ປາກະເດິດໜໍ້ / Three spot gourami

ປາກຂະໜາດນ້ອຍ ແລະ ຍຶດຫົດໄດ້ເລັກນ້ອຍເປິດອອກທາງດ້ານເທິງ, ຄາງກະໄຕເທິງຍາວບໍ່ເຖິງຂອບໜ້າຂອງຕາ, ຄີຫຼັງມີຕອນດຽວ, ສ່ວນໜ້າເປັນກ້ານຄີແຂງຈຳນວນ 8-9 ອັນ, ສ່ວນທ້າຍເປັນກ້ານຄີອ່ອນທີ່ມີປາຍແຫຼມ, ຄວາມຍາວຂອງກົກຄີຫຼັງສັ້ນກວ່າຖານຄີກົ້ນ, ຈຸດກຳເນິດຂອງຄີຫຼັງຢູ່ຫຼັງຈຸດກຳເນິດຂອງຄີກົົ້ນ, ຄີທ້ອງຂະໜາດນ້ອຍ, ກ້ານຄີທຳອິດຍື່ນອອກເປັນເສັ້ນຍາວຈົນກາຍປາຍຫາງ, ຄີກົ້ນມີກ້ານຄີແຂງ 9-12 ກ້ານ ແລະ ກ້ານຄີອ່ອນ 40-52 ອັນ. ຄີຫາງວໍ້າເລັກນ້ອຍ, ລໍາຕົວສ່ວນເທີງສີເທົາດໍາ, ສ່ວນລຸ່ມສີຂາວເຫຼື້ອມ, ມີຮອຍສີດໍາຂະໜາດນ້ອຍ, ພາດຕາມລວງຂວາງລຳຕົວໃນແນວສະຫຼຽງ, ເກັດຂະໜາດປາຍກາງ ເສັ້ນຂ້າງລຳຕົວສົມບູນ, ມີເກັດໃນແນວເສັ້ນຂ້າງລຳຕົວຈຳນວນ 40-52 ເກັດ, ມີຈຸດສີດຳຂະໜາດໃກ້ຄຽງກັບຕາຢູ່ກາງລຳຕົວ ແລະ ຢູ່ກົກຫາງ. ທ້ອງເປັນສີເຫຼືອງ, ຂະໜາດ ຍາວສຸດ ປະມານ 15 ຊັງຕິແມັດ.